الحملة الضارية التي يشنها اعضاء هيئة التدريس ضد الشهادات العلمية اللاعلمية الممنوحة من الجامعات اللاجامعية أسفرت عن خسارة مالية شديدة لممولين الجامعات و الطلبة اللاطلبة الذين لم يستطيعوا أن يقرعوا الحجة بالحجة سوى أن يتهمون السادة الدكاترة بالحسد ... ما يحتاج أقول انها موضة في الكويت اسمها الحسد أو الاتهام بالحسد ... صراحة مادري على شنو ... اللي يسمع مانعينهم من الدراسة من كامبردج أو م اي تي أو بيركلي أو ييل ... على شنو الحسد مادري ... نقول تعليم و تطوير و يقولون فكنا زين ... و اللي يقولك محنا فاكين أحد ... الشهادات مضروبة يعني مضروبة و خلي اللي سمح لكم أول مرة يدفع التعويض ... أحدهم يقول شدعوة خريجين الكويت موت يعنيّّّ !!! صراحة جعمني لا أخوي مو موت بس مو يوم دوام طول السنة و بعدين يصير مهندس ... كلامي عن الهندسة و بس ما لي شغل في كليات ما أعرفها ... لعلم الجميع أسهل دكتور في الهندسة يسوون وزير يعني تتصور أصعب دكتور شلون !!!! و عليك الحساب ... أحسن دكاترة تلاقيهم في الهندسة بس اذا تعرف واحد بو طقة انقول حالة شاذة .... و السلام ختام
باص الحكومة و قطار القطاع النفطي
8 years ago
صح الله لسانك دكتور
ReplyDeleteبس قبل فتره شفت ببرنامج تو الليل عن هالموضوع
كان في ناس فعلا حالتهم صعبه لان يوم بيسجلون بمثل هالجامعات "الفلبين وغيرها " قالولهم لازم يقدمون استقالتهم وفعلا قدموا استقالتهم
والحين اذا بيلغون الاعتراف من هالجامعات
افلسوا لا من الشهاده ولا من الوظيفه !
الغلط معروف من الاساس
لكن شنو الحل بنظرك ؟
واحنا معاكم قلبا وقالبا ضد الشهادات المضروبه
الله يسلمك عزيزي - تقدمت باقتراح لحل عملي مع بعض الاخوة الدكاترة في الاتي ان يتم اختبار جميع المتقدمين للعمل في قطاعات المهن الخمسة: الهندسة و الطب و المحاماة و المحاسبة و التعليم و يسمى الاختبار Professional Qualifying Examination مع تفصيل خاص وصراحة هذا حل تم تجريبه من قبل الكثير من الدول التي مرت عليها مثل هذه الظاهرة و بالاخص الولايات المتحدة لكثرة الجامعات فيها الغث منها و السمين
ReplyDeleteطبعا الاختبار غير الزامي الا في التعيين في القطاع العام و للقطاع الخاص حرية الاستفادة منه
و اعتقد ان هذا الحل اكثر عملية من مطاردة الجامعات و الشهادات المضروبة
طبعا اللي تشوفه الحين من اعلام جزء من التكتيك لفرض هذا الاختبار و ان شاء يكون ناجح ... البعض يقول ان لجنة انقاذ التعليم ستفشل ... عموما للتأريخ ان في الكويت رجالات لا تقف مكتوفة الايدي لانقاذ التعليم
اعتقد ان الدول اللي نجح فيها الاختبار يفتقرون للواسطات .. مو مثلنا
ReplyDeleteوبجذي مراح يكون فيها مساواة للتعيين في القطاع العام ..
ارى ان الحل الامثل يكمن في عدم اعتماد تلك الشهادات
لان اعتماد الشهادات المضروبه يشجع طلبة الثانوية على عدم بذل الجهد لتحقيق معدلات عالية تمكنهم من الدراسة في جامعات ذات كفاءة
وهذي مسؤولية ودور التعليم العالي انه يوقف ابتعاث الطلبة لمثل هالجامعات
اما اللي راحوا و "ادرسوا " فهذي مو مشكلتهم اذا الدولة معطتهم الموافقه
ولا يحق للدوله سحب الاعتراف بعد فوات الاوان
اما بالنسبة للي يقولون حسد
فهم الحسااااد يبون يخاذون شهادات حالهم حال اللي اتعبوا وتفوقوا ..!
"
عموما للتأريخ ان في الكويت رجالات لا تقف مكتوفة الايدي لانقاذ التعليم
"
100%
ودكتور ترى انا طالبه :)
طالبة و النعم :)
ReplyDeleteسيكون من الصعب تجديد العتمادات ما ازدياد الجامعات في انحاء العالم .. هذا الحل سليم لكن يبقى غير علني على المدى الطويل و كلامج صحيح عن احتمال الواسطات و هنا لنا و قفة سكون و تفكير وتتطلب حل مبدع و راقي
اعتقد لازم يصير في وقفه حازمه مع هذا الموضوع
ReplyDeleteيعني مو معقوله يتساوى الي يتعب مع النايم (بالكويتي التعبان) الي يبي يشتري شهاده بفلوس
لا ويجيك الاخ وبينافس بعد!!!!
الحل بالاختبار الي تفضلت فيه
بس مشكلة الاختبار انه بيكون محلي
وياويلي من المحلي (طبعا الاختبار) لان
مثل هذي المواضيع يرتفع الدنيئ الشاري للشهاده
وينداس اب بطن المسكين الي درس. وبالتالي لن تقبل شهادته
اذا الحل هو الاختبار الدولي
وطبعا المتنفذين ما راح يرضون
لانهم شارين او عيالهم شارين شهادات بالهبل
ما ضل الا حل واحد
خل القرعه ترعى والله يستر على الكويت ويحفظها
طالب السيدغريب
عزيزي دكتور المستقبل
ReplyDeleteالمعركة الاولى في حرب التعليم على موقع اللجنة
http://academlist.blogspot.com/
بالفعل اذا الاختبار مو دولي لا طبنا و لا غدى الشر
ReplyDeleteانا استغفر الله ما احب اقول جذي بس اللي صار بالطلبه هذول يستاهلون
ReplyDeleteليش ؟ لانهم راحوا في اماكن وجامعات مشبوهه .. يعني ليش مايكمل اهني في المعاهد ويروح جامعه الكويت او اي جامعه خاصه ويكمل البالكلريوس ؟؟؟
وليش راح بالذات الاماكن هذه ؟؟ اكيد سالفه في نصب واحتيال
تصدق أخوي
ReplyDeleteشفت اختبار قياس الكفاءات
او اختبار
Professional Qualifying Examination
قالوا راح يطبقونه عندنا بالنفط
كاختبار يشمل التوظيف الجديد أو توظيف الخبرات أو للموظفين الذين حصلوا على مؤهل علمي أعلى
علشان يعتمدون هذا المؤهل
وتم تطبيق هالاختبارات
والكارثة هي أين المراقب
يعني حتى هذه الاختبارات لم تسلم من فيتامين واو
وعمك وخشمك وأصابعك
وجنك يا بوزيد ما غزيت
-------------------------------
أرد أقول وينك يالمراقب يالقوي الأمين
مع تقديري لاهمية الجوانب العلمية والاكاديمية الخاصة بهالموضوع، الا اني اشوف ان محد حاول يناقش بجدية الخلفية الاخلاقية والثقافية المهمة فيه. محد تكلم بصراحة عن كيف ان هذه الازمة هي بالدرجة الأولى مؤشر على ازمة اخلاقية يعيشها مجتمعنا وتخلي الفرد فيه يستسهل الغش والاحتيال وتحبب له حرق المراحل وحرق الفرص على الاخرين بمنافسة غير شريفة، وكيف ان العلم والعمل اثنينهم ما عادوا يمثلون اي قيمة ولا لهم اعتبار. هذا برايي صلب المشكلة.
ReplyDelete